حلت الفنانة وفاء عامر ضيفة على برنامج واحد من الناس مع الإعلامي عمرو الليثي، وكشفت عن علاجها النفسي بسبب شخصيتها في مسلسل "حق عرب".
وقال: أنا باخد أدوية نفسية بعد دوري في مسلسل حق عرب، وأنا أساسًا ماشية مع دكتورة نفسية وده مش عيب، أنا بشوف المجتمع بيجرم أن حد يروح لطبيب نفسي، والدكتورة قالتلي لازم تروحي تعيشي شوية في جبل وفعلًا روحت لوحدي عيشت في مكان قريب من جبل بعد الغردقة شوية علشان أفصل من شخصيتي في حق عرب، وارتاحت جدًا.
للخبر بقية في الأسفل.. ومن أخبارنا أيضاً:
وفـ، ـ، ـاة رئيس عربي قبل قليل.. وصدمة كبيرة تجتاح الوطن العربي بعد انتشار الخبر.. استر يارب!
وتابعت : فيه مشاهد كتير صعبة، ورياض الخولي كان بيضربني بجد في المشاهد وأنا بتعافى لغاية دلوقتي، كان بيبقى منفعل وأنا مبشوفش، ولو كنت أعرف أنه هيضربني بجد مكنتش همثل، وهو كان بيضربني في غير مكان الضرب، يعني لو المفروض يضربني في الجملة الرابعة كان بيضربني في الثالثة أو الخامسة، وده كان بيطلع مني رد فعل أحسن لأني مببقاش متوقعة.
وأضافت: دنيا المصري لما كانت بتقولي إيه ده هتضربيني بجد؟، أنتي مقاس إيدك 46.. أقولها لأ متخافيش، وكنت بضربهم علشان رد فعلهم يطلع أحلى.
مسلسل "حق عرب" بطولة كلا من: أحمد العوضى، دينا فؤاد، رياض الخولي، وفاء عامر، وليد فواز، دنيا المصري، كارولين عزمي، أحمد صيام، سلوى عثمان، سامح السيد، وفاء مكي، أحمد عبدالله محمود، إبراهيم السمان، ميدو ماهر، الطفل منذر مهران، تامر شلتوت، يُمنَى طولان، تأليف محمود حمدان، إخراج إسماعيل فاروق.
