تصدرت لاعبة منتخب مصر للدراجات شهد سعيد محركات البحث عبر مواقع التواصل الإجتماعي، بسبب ازمتها مع اللاعبة جنة عليوة مؤخراً.
وقد كشفت شهد سعيد تفاصيل ازمتها مع اللاعبة جنة عليوة، من خلال حديثها مع الاعلامية ياسمين عز في برنامج "كلام الناس" المذاع عبر قناة MBC مصر: "جنة بتقول إني شتمتها في السبق وزقيتها ورفعت ذراعي وخبطتها، وكل ده مش موجود في الفيديو، وبتقول اشتكت للحكم كذا مرة إني شتمتها، طيب ليه الحكم مدانيش إنذار؟ أنا اللي اشتكيت للحكم من أختها إنها عايزة توقعني، والحكم أنذر أختها أربع إنذارات".
للخبر بقية في الأسفل.. ومن أخبارنا أيضاً:
وأضافت: "السباق كان طوله 50 كيلو، وكل ده حصل في آخر 50 متر، هل بعد 50 كيلو أوقعها قدام الناس والكاميرات؟ وأنا لو خبطتها هقع معاها، لكن أنا خبطتها من غير ما أقصد والله لما اختل توازني وسندت عليها وأنا غلطانة".
أوضحت شهد سعيد أن بطولة الجمهورية التي شهدت الواقعة غير مؤهلة لأولمبياد باريس قائلة: "بطولة الجمهورية مش مؤهلة للأولمبياد علشان أعمل فيها كده، وحتى لو مؤهلة عمري ما أؤذي بني آدم، وأنا تأهلت رسميا للأولمبياد يوم 15 إبريل، والحادثة حصلت يوم 28 أبريل بعد ما تأهلت رسميا".
وروت شهد سعيد تفاصيل ما حدث بعد الواقعة قائلة: "لما لفيت الكوبري ورجعت أشوفها لقيت الإسعاف أخذوها ومشيوا، واكتشفت إنها بلغت في القسم إني متعمدة أعمل كده، وشروع في قتل وحاجات ملهاش دعوة بالرياضة، وبعدد التتويج لقيت ضباط كتير وبوكس و5 عربيات وعايزين ياخدوني، وقالوا ده تصالح وبعدها ممكن نمشي من القسم".
كما كشفت شهد تفاصيل ما حدث في قسم الشرطة قائلة: "لما روحت لها القسم علشان نتصالح كانت مش راضية، وقالت إنت مجرمة وأشكال حبس وأنا هحبسك، وحاولت أعتذر لها زقتني وقالت مش قابلة اعتذار الأشكال دي، ووالدتها وصلت وقعدت تدعي عليا وتشتمني".
أوضحت شهد سعيد تطورات محضر الواقعة بقولها: "المحضر اتقفل، وبعد كل ده إتحولت للنيابة وأخذت إخلاء سبيل وكانوا مصدومين إنهم عايزين يحبسوني علشان حاجة زي دي".
وأشارت شهد سعيد إلى العقوبات التي تم توقيعها عليها قائلة: "الاتحاد إداني عقوبتي 3 عقوبات، الشطب من السباق تماما، والوقف سنة محليا، وغرامة 100 فرانك سويسري (5000 جنيه تقريبا)، والاتحاد حاول يصرف عليها مصاريف العملية رفضت ومش بترد عليهم".
وردا على سؤال هل تم إبلاغها باستبعادها من أولمبياد باريس، قالت شهد سعيد: "مفيش حد بلغني بحاجة".
وكانت بطولة الجمهورية لسباق الدراجات في أبريل الماضي شهدت حادثا مؤسفا تسبب في إصابات بالغة للاعبة جنة عليوة، والتي خضعت لجراحة عاجلة بعد فقدان مؤقت في الذاكرة، حسب موقع "في الجول".
وانتشر مقطع فيديو من السباق يظهر فيه سقوط جنة عليوة بعد صدام مع شهد سعيد، وتقدمت عائلة جنة عليوة ببلاغ إلى وزارة الشباب والرياضة والنائب العام ضد بتهمة الشروع في قتل عمدا.
وجاء ذلك عقب أيام قليلة من تأكد صعود شهد سعيد إلى أولمبياد باريس 2024.
