تعد الفنانة سلمي أبو ضيف من الفنانات الشابات التي اقتحمن الوسط الفني وحققن نجاحاً سريعاً من خلال أدوار مميزة على مستوى الأفلام أو الدراما.
للخبر بقية في الأسفل.. ومن أخبارنا أيضاً:
حلت الفنانة سلمى أبو ضيف ضيفة على الإعلامية منى الشاذلي في برنامجها معكم، المذاع على قناة on، وخلال البرنامج تحدثت عن العديد من الأسرار عن حياتها الشخصية، بجانب رؤيتها الخاصة في فكرة الحب، وعن السبب الرئيسي وراء حبها للعمل “موديل”.
وجاءت أبرز تصريحات سلمى أبو ضيف كالتالي:
-مش أنا اللي كنت بغني حقيقي في مسلسل أنف وثلاثة عيون، كنت بعمل حركات بس، وأستاذ أمير رمسيس قالي متزعليش إنه مش بصوتك، قولتله دا كويس لأن مينفعش نعمل كده في العندليب وأنا استمتعت بالعمل.
الحب مفيهوش برستيج، وعشان أكون مع حد لازم أبقى بحبه، وفيه ناس بتتعرف على أساس إنها تحبه بعدين، بس أنا مش كده ومبعرفش أعمل ده.
-أنا شخصية مسالمة، مش بتاعت مشاكل خالص، ومبحبهاش من صغري، ولما بدخل اللوكيشن بركز في الشغل، واللي بشتغل معاهم كويسين وده رزق من ربنا، وكل اللي اشتغلت معاهم حسسوني بالأمان.
-مشاركتي في البراند العالمية بسبب بابا وهو كان تاجر قماش، وطلعت بحب اللبس عشانه، وكنت بروح المحل عنده في الأزهر وأعيش مع نوعية القماش ودا اللي طلعني بحب الموديل، وكان دايمًا بينصحني في الكواليتي.
-ربنا وفقني واشتغلت مع نجوم مهمة وثقيلة، زي الفنانة غادة عبد الرازق، وكل اللي اشتغلت معاهم وجهوني في العمل ودا فرق معايا كتير.
-أغلى حاجه لبستها في مهرجان كان وباخده لفه وبرجعه، وكل لبسي اللي لبسته في فرنسا بحبه عشان محدش بيتريق عليا هناك ببقى نازلة بثقه.
-الناس اتريقت عليا في مهرجان القاهرة بسبب الدريس وقالولي أنتي عامله عملية الزايدة ولا إيه، بالرغم من إني كنت حباه وكان فاشون أوي.
- مواصفات التوكتر الناجحة أنها تحط التلفون قدامها، وتكون على طبيعتها.
جدير بالذكر أن سلمى أبو ضيف شاركت في مسلسل أعلى نسبة مشاهدة، وشارك بجانبها مجموعة من الفنانين ومن بينهم ليلى أحمد زاهر، فرح يوسف، جلا هشام، انتصار، محمد محمود، أحمد فهيم، إسلام إبراهيم، وغيرهم من الفنانين، والعمل من تأليف سمر طاهر، وإخراج ياسمين أحمد كامل.
