شارك الملحن والشاعر عزيز الشافعي مقطع فيديو عبر حسابه الشخصي على موقع انستغرام، وعلق من خلاله على أزمة الفنانة شيرين عبد الوهاب مع روتانا، بعد أن قامت الشركة بحذف أغنيتين طرحتهما الفنانة مؤخراً.
وقال عزيز الشافعي: "نزلت غنوتين من ألحاني لـ شيرين عبد الوهاب، مبسوط جدًا أن الغنوتين دول بالذات نزلوا، ولكن كنت أتمنى أنهم ينزلوا بطريقة أحسن من كده، والناس تشوفهم وتسمعهم على يوتيوب وكل المنصات ونشوف النجاح بالأرقام والتفاعل، شُفنا ده على يوتيوب قبل ما روتانا تقفل الأغاني وعلى تويتر، واللي كان مضايقني إني كنت أتمنى أنهم ينزلوا بطريقة أحسن من كده".
للخبر بقية في الأسفل.. ومن أخبارنا أيضاً:
وأضاف: "أنا عارف شيرين عملت كده ليه، ولغاية آخر لحظة كنا بنتكلم، شيرين وعدت جمهورها أنها هتنزل أغاني، وأصعب حاجة أن الفنان يبقى عايز ينزل ويغني ويشتغل ويتمنع علشان ورق أو وجهات نظر أو مواقف قانونية، معرفش كان إيه اللي المفروض يحصل".
وأكمل عزيز الشافعي: "أنا بسمع من محامي روتانا كلام محترم ولكن بيقولوا شيرين دفعت 10 مليون جنيه شرط جزائي علشان إخلال بالعقد، ومع كل إخلال بالعقد هتدفع 10 مليون جنيه، يعني الأغنيتين بتوع إمبارح دول هتدفع عليهم 20 مليون جنيه؟ والفلوس دي مش مخصومة من الفلوس اللي خدتها شيرين ولا العقد وقف العقد مستمر وهي مطالبة أنها تقدم أغاني".
وتابع: "من الناحية التانية محامي شيرين هل أنت ورقك سليم أنك تنزل أغاني؟ وإزاي لو سليم روتانا وقفته؟ روتانا معاها حق ولا لأ، ليه الأمور القانونية دي متنتهيش بشكل واضح، مش معقول اتنين محامين كبار يقولوا كلام عكس بعض، مشكلتنا أننا بنحب شيرين وعندنا شيرين واحدة بس وعايزين نسمعها ونفرح بأغانيها".
أحدث أغاني شيرين عبد الوهاب
يجدر بالذكر أن الفنانة شيرين عبد الوهاب طرحت أغنيتين من ألبومها الجديد بعنوان "بتمنى أنساك"، و "اللي يقابل حبيبي" على موقع يوتيوب، إلا أن شركة روتانا سارعت بحذف الأغنيتين بعد ساعات من طرحهما.
