حلت الفنانة نهى عابدين، ضيفة على برنامج "أسرار النجوم"، مع الإعلامية إنجي علي، عبر إذاعة راديو "نجوم إف إم"، وكشفت عن حياتها الشخصية.
وقالت: مش حاسة أن خطواتي الفنية إتأخرت، ومخوفتش من دوري في مسلسل العتاولة، ولكن طبعًا مفيش حد بيسلم من الانتقادات على السوشيال ميديا.
للخبر بقية في الأسفل.. ومن أخبارنا أيضاً:
.jpg)
وأضافت: أنا ممثلة ومؤمنة باللي بقدمه وبالتالي مبلتفتش للانتقادات، للأسف الناس بقت تربط بين الممثل والشخصية اللي بيقدمها على الشاشة والموضوع ده غريب بصراحة.
وتابعت: أسعد لحظة في حياتي يوم ما خلفت ابني أيمن، هو واخد مني حاجات كتير، وساعات بنتصادم وبعدين برجع أقول أنه صح، هو عنده عزة نفس ومبيسمحش لحد يكلمه بطريقة مش حلوة. واختتمت: "الطلاق صعب، ومش مسألة اتغيرت بعد الطلاق ولكن اللي بيفرق العشرة والعيلة اللي بنتيها، بس في الآخر الجواز والطلاق نصيب، وساعات الطلاق بيكون صحي لمصلحة الطرفين، ومش لازم يكون فيه حد وحش ممكن نكون اتنين اختلفنا ومش متلاقيين في حاجة، نتمنى لبعض الخير ونتعامل مع بعض كويس وخلاص.
يذكر أن آخر أعمال الفنانة نهى عابدين، مسلسل "العتاولة" بطولة كلا من: أحمد السقا، باسم سمرة، طارق لطفي، زينة، مي كساب، حنان يوسف، صلاح عبد الله، فريدة سيف النصر، سامي مغاوري، ميمي جمال، هدى الإتربي، أحمد كشك، مؤمن نور، مريم محمود الجندي، تأليف هشام هلال، إخراج أحمد خالد.
