علقت الفنانة شيرين عبد الوهاب، على سخرية طليقها المطرب حسام حبيب، من محل ولادتها، وذلك خلال تصريحات صحفية.
وقالت: بطل بقى عشان شكلك بقى وحش، الناس بتحبني عشان مكتوب في ورقة جوازي إن مهري 60 قرش، أنا طماعة إزاي؟، أنت دلوقتي اللي بتاكل في لحم الست اللي كانت مراتك، بس ببلاش، أعرف ربنا الأول وبعدين اتكلم عليه، أنا متهمتوش إنه سارق مني خزنة، وأنا بعتاله 200 ألف دولار.
للخبر بقية في الأسفل.. ومن أخبارنا أيضاً:
.jpg)
وأضافت: أما بالنسبة للمستوى اللي بيتكلم عنه إنه متعلم وقارئ، فـ أنا بقوله الناس الشعبية اللي من القلعة هما دول اللي جدعان اللي متربيين وميقبلوش إن مراته تصرف عليه، وبشهادة كل الناس وحتى رضوى الشربيني قالتها، إيه الشغلانة دي عشان نشتغلها، 6 سنوات مبيدفعليش 100 جنيه مصروف.
وتابعت: بالنسبة إنه بيقول أنقذوني منها، مفيش راجل من ضهر راجل يقول كده، مش يوطي ويبوس الأيادي، ويقول هموت من غيرك، وقال أنا بحبها أكتر من كرامتي، وكل مرة برجع عشان بيصعب عليا وبيعيط وبيركع وبيتنازل.
وأكملت: أنا انتهيت كان واخدني شمعة منورة وعندي شغلي وناجحة، بقالي 6 سنوات مش عارفة أنزل أغنية من غيرته، وعملتله ستوديو، الحمد لله ربنا فرجها عليا لما سبته وهنزل أغاني الأسبوع الجاي.
واختتمت: كل الناس فاهمة إن اللي بيعمل الشويتين دول هما اللي متعلمين، ومبيقبلوش إن ست تصرف عليه 6 سنوات، أنا اللي بنت الناس وبنت القلعة وأتشرف إني منهم، واتكلم عدل لما تيجي تتكلم عنهم جزمتهم على دماغي.
يذكر أن أخر أعمال الفنانة شيرين عبد الوهاب، أغنية "الدهب"، بعد غياب دام ثلاث سنوات، والتي طرحتها عبر قناتها على يوتيوب والمنصات الموسيقية المختلفة، أغنية"الدهب" هي من كلمات تامر حسين، ألحان مدين، توزيع موسيقي توما.
