شن محمد عبد الوهاب شقيق شيرين عبدالوهاب هجوما شديداً عبر حسابه الشخصي على موقع فيسبوك، على احد الاشخاص ولم يذكر اسمه، ولكن اعتبره رواد التواصل الإجتماعي موجه الى حسام حبيب بعد تصريحاته الاخيرة التي كذب فيها كل إدعاءات طليقته.
وكتب محمد عبد الوهاب عبر حسابه في موقع التواصل الاجتماعي فيسبوك: "انت يابن الجزمة طالع تقول أنا متربي وعيلتي احسن ناس ده انت امك اتطردت قدامك الساعة ٤ الفجر بعد ٣ ايام جت البيت عندها هي واختك عادي وكأن مفيش حاجة حصلت زيرو كرامه بالوراثة وابوك أنا وانت اتفرجنا علي فضايحه مش عايز أفسر عشان الناس متقرفش اكتر ماهي قرفانه عيلة ايه يا لوسي يا سبوبه انت فاكر الناس بتصدق الهبل ده طب ماتقول كده للناس العيلة دي بتصرف منين ولا أوريهم أنا بالصوت والصورة".
للخبر بقية في الأسفل.. ومن أخبارنا أيضاً:
ترامب يعلن وصيته ويفاجئ العالم.. تطورات خطيرة!
وكانت شيرين قالت في تصريحاتها الصحفية الأخيرة: "حسام واخد مني عربية رانج روفر موديل 2008، وساعتين رولكس Rolex، وبقاله حوالي 4 سنين هو المسؤول عن الأمور المادية في شغلي، ومفيش يوم حاسبني فيه، أنا معرفش الراجل ده سرقني في قد إيه"، حسب تصريحاتها.
وتابعت شيرين عبد الوهاب: "كنت ساكنة في شقة فيها خزنتي، كسروا الخزنة وطلعوا منها التنازلات، بفتح حاجتي لقيت أغلبها مش موجودة، وحسام بيكلمني بشتيمة وقلة أدب، وقال لي إنتِ بتشككي فينا، رغم إني متهمتوش بأي حاجة، وقلت له دا إهمال مني وأنا لازم أدفع التمن.
ونشر موقع "القاهرة 24" صورة لمستند تحويل مالي يصل إلى 200 ألف دولار، أي ما يعادل 9 ملايين و840 ألف جنيه مصري، بسبب إدارته لأعمالها في السنوات الأخيرة، وعلقت شيرين عبد الوهاب على ذلك قائلة: "حولت لحسام حبيب 200 ألف دولار، لأنه بيقول إنه ساعدني في شغلي، وهو اللي كان بيعمله كله كان بيطلعني السلم بتاع المسرح".
وقالت شيرين عبد الوهاب: "تنازلت عن المحضر ضد حسام حبيب، وحولت له المبلغ المالي ليبتعد عن حياتي، لكن حسام حبيب بيهددني وبيتبلى عليا، أنا مش صغيرة وست عندي بنتين في أخطر مرحلة في حياتهم، بناشد المسئولين، الراجل ده ضيعني وبيهددني ببناتي وبيقول لي كلام يدخله السجن".
ورد حسام حبيب عبر ET بالعربي قائلا: "طبعا أنا خجلان من كل اللي بيحصل، ومش عارف أقول أية عن اللي بيحصل، بس والله العظيم أنا بريء من اللي بيحصل، ممكن يكون دا حصل عشان خاطر هي بتحاول تتصل بيا بقالها يومين تلاتة وأنا مبردش عليها، الورقة اللي شيرين بتقول بيها أنها حولت ليا مبلغ مالي، مكتوب فيها غرض التحويل لزوج، فأول حاجة كدا هو أنا زوجها !!، ثانيا حتى لو كنت الزوج وهي بتدلعني بالمبلغ دا إزاي تخرج تقول أني عايز أموتها، يا هي بتكدب لما قالت اننا اطلقنا يا هى بتكدب على البنك وقالت أني زوجها وحولتلي".
وأضاف حسام حبيب: "الموضوع مش بالعافية أنا مش عايز أرجع، وأنا اللي في سجن وعايز أتحرر منه، أنا اللي تعبت واستحملت إهانات بقالى سنين على حاجات محصلتش، وعمري ما اشتكيت ولا اتكلمت ولا دفعت عن نفسي عشان ميطلعش شكلها وحش، بس خلاص كدا أنا فاض بيا، وكل حاجة هتتقال للناس زي ماحصلت بظبط، أنا عمري ماطلعت أسرار حد برا ولا عمري ماكنت هعمل كدا".
وعن اتهامه بسرقة خزنة شيرين عبد الوهاب، قال حسام حبيب: "أنا عايز أعرف إزاي سرقتها، هل دخلت وأنا لابس طاقية الإخفاء ومحدش شافني، وكل مرة سرقة وكلام أقل بكتير من أني أعلق عليه، كل شوية أنا سرقت وعملت، وأنا بستنجد بكل الناس ارحموني منها، دا ذنب أنا عملته في حياتي أنا مش عارف إية دا، ولسة هطلع أتكلم كمان بكل التفاصيل، ومش بقول كدا عشان خاطر أخوفها، لا دا حقي، عشان كل شوية يتقال كلام عني وعن أهلي، وأنا مش بشكر في نفسي الحمدلله متربي ومن عيلة كويسة جدا، ومتربي في أماكن كويسة ومتعلم في مدارس كويسة جدا، وبعرف ربنا سبحانه وتعالى".
وتابع: "وعايز أقول للناس كلها شيرين عبد الوهاب بتستقوي بيكم، ودايما بتهددني عشان لو معملتش حاجة، تقولي مش هخليك تمشي في الشارع".
