خلال حواره الاخير تحدث الفنان علاء عوض عن الموهبة الفنية للفنانة جميلة عوض إبنة شقيقه، التي فاجأت اسرتها بمشاركتها في مسلسل "تحت السيطرة" بدون اي تدخل او واسطة منهم.
وقال ذلك خلال استضافته في برنامج "كلام الناس" التي تقدمه الاعلامية ياسمين عز على قناة mbc: "جميلة عملت لنا مفاجأة كلنا على جميع المستويات، على مستوى أنها ابتدت بـ"تحت السيطرة" جميلة مبتدخنش أصلا فلما تعمل دور واحدة مدمنة ودور صعب وتعمله بالإتقان ده ذهول".
للخبر بقية في الأسفل.. ومن أخبارنا أيضاً:
ترامب يعلن وصيته ويفاجئ العالم.. تطورات خطيرة!
وتابع علاء عوض: "المفاجأة التانية إنها عمرها ما كانت بتتكلم في الموضوع دا، ممكن الحكاية مختزنة جواها، هي بتحب تغني من وهي صغيرة وكانت الدلوعة بتاعتنا كلنا، وهي متحاوطة جينات من أول الجد والأب والأم والعمين، طالعة منورة لوحدها".
وأكمل علاء عوض: "محدش فينا ساعدها خالص هي بنفسها أصحابها كلموها أن في اختبارات لمسلسل لنيللي كريم ولما راحت لقوها لذيذة وسألوها إنتي مين وقبلت في الدور، وابتدت بطلة ودي حاجة من عند ربنا، هي نجحت لوحدها بأمر الله".
وأكد علاء عوض أنه وأشقائه لم يتلقوا مساعدة أو واسطة من والدهم الفنان الراحل محمد عوض قائلا: "إحنا كمان محدش ساعدنا في حاجة، بابا قالنا طريقكم بتاعكم عايز تبقى رئيس جمهورية عايز تبقى زبال أبقى، أنا مبساعدش أنا بزق، كل واحد بيختار واللي عايز فن يروح يدرس فن".
