ردت الفنانة المصرية ياسمين عبد العزيز أثناء حلولها ضيفة على برنامج صاحبة السعادة مع إسعاد يونس على شاشة قناة dmc، للمرة الأولى على توقعات العرافة ليلى عبداللطيف بانفصالها عن طليقها الفنان أحمد العوضي.
وقالت رداً على العرافة اللبنانية: "لا أحد يعلم الغيب إلا الله، ولكن قبل أي انفصال بالتأكيد تكون هناك مشاكل، ومؤكد عرفوا بهذا الأمر، لذا تنبأوا بحصول الانفصال".
للخبر بقية في الأسفل.. ومن أخبارنا أيضاً:
عاصفة تضرب دولة عربية ومصرع عدد كبير من الاشخاص والرعب يسود بين السكان
هذا وحلت النجمة ياسمين عبد العزيز، ضيفة في برنامج "صاحبة السعادة" المذاع على قناة Dmc، التي تقدمه الفنانة والإعلامية إسعاد يونس، عن أسباب انفصالها عن أحمد العوضي قالت ياسمين عبد العزيز: "بعيد عن إن فيه سبب من الأسباب ما ينفعش نتكلم فيه، ومش خيانة أقسم بالله مش خيانة، عشان فيه ناس مؤذية كتير مش وراهم غير إنهم يأذونى".
وتابعت ياسمين عبد العزيز: "أنا مش هينفع أتكلم في تفاصيل، والناس حبانا مع بعض، وفيه ناس حقودين وبيوقعوا لأنهم ما يعرفوش يعنى إيه حب، وجواهم كره".
وعن مناسبة مقابلتها معه في سحور برمضان، قالت: "ما اتقابلناش، كل واحد جه في وقت، والفيديوهات على النت متركبة".
وبسؤالها لو رأته في حفلة عامة قالت ياسمين عبد العزيز: "مش عارفة أنا بهرب طول الوقت وأفتح الفيسبوك ألاقى ناس منزلة صور وإحنا حاضنين بعض أو فيديوهات، والمشكلة إن الحاجات دى بتوجع وبتخلى الواحدة تفكر في اللى فات".
وتابعت ياسمين عبد العزيز: "أنا بسيب الحاجة على ربنا واللى عايزه يمشيني في أي سكة أنا بكون راضية حتى لو مش على رغبتى".
وتحدثت ياسمين عبد العزيز عن علاقتها بالفنان أحمد العوضي قائلة: "أنا مع أحمد لما حبيته اكتشفت إن أنا ما كنتش بحب قبل كده".
وأضافت ياسمين عبد العزيز: "يعنى الحب اللى قبل كده أنا ما حبيتش، وإن أحمد أول حب في حياتى وهو الحب الحقيقى".
وعن علاقتها بالفنان أحمد العوضي قالت ياسمين عبد العزيز باكية: "أنا مش بحب أحمد أنا بعشقه"، وعاتبت إسعاد يونس: انتى جايبانى عشان أعيط وبتضحكى عليا بحاجات بتوجعنى ومش عارفة أنا بقيت رقيقة كده ليه ما كنتش كده والله".
