بعد أن هاجمت الفنانة مها أحمد متابعيها الذين انتقدوا ظهورها كثيراً في لايفات عبر تطبيق "تيك توك"، عبرت الإعلامية مروة صبري عن استيائها من الطريقة التي عاملت بها مها أحمد جمهورها، وذلك من خلال برنامجها "قعدة ستات".
وقالت مروة صبري: "الفنانة مها أحمد إحنا عارفين أنها بقت نجمة من نجوم "تيك توك" ودايما بتشتكي أن مش لاقية شغل وهفضل قاعدة على "تيك توك"، اللي عايز يعمل حاجة يعملها هو حر لكن أنا مش مع فكرة الجوالات على "تيك توك" لا لمها أحمد ولا أي حد تاني من الفنانين والفنانات أو حتى الناس العادية، لكن إحنا دايما بنتكلم عن الفنانين لأنهم بيمثلوا بلدهم وفنهم وقدوة".
للخبر بقية في الأسفل.. ومن أخبارنا أيضاً:
ترامب يعلن وصيته ويفاجئ العالم.. تطورات خطيرة!
وأضافت: "انتشر فيديو لمها أحمد من يومين وهي طالعة بتكلم المتابعين بتوعها على البث المباشر، وحد سألها ليه بتطلعي لايف كتير وفين جوزك دكتور مجدي كامل وحد قالها ما ترجعي تمثلي، دا حب الناس ودايما بنقول ربنا يرزقنا بحب الناس لأن الناس هي اللي بتعمل الفنانين يعني أن حبهم هو اللي بيعليك وكرههم هو اللي بينزلك، يعني لو الناس بتنصحها بحاجة من حبهم فيها".
وتابعت مروة صبري هجومها على مها أحمد، قائلة: "لكن الغريب والصادم أنها ترد على المتابعين اللي بيحبوها اللي هما كانوا جزء أساسي وكبير في شهرتها أنها قالت يا جماعة أي حد هيكلمني كلمة مش عاجباني "هديلة بالشبشب" وألفاظ وأسلوب غريب، أنا مش عارفة أقول إيه اقطعوا النت عن مها أحمد".
وواصلت: "مها أحمد مبقتش خطر على نفسها دي بقت خطر على الجمهور، مش دول الجمهور اللي بتحبيه مش لما الناس قعدت تهاجمك قلتي أنا بحب التيك توك محدش يتكلم، طيب بتكلمي متابعينك على "تيك توك" بأسلوب غير لائق ليه".
وانهت مروة صبري حديثها، وقالت: "ما تسيبي اللي عايز يقولك حاجة يقولها الناس أذواق في ناس مبسوطة بوجودك من وجهة نظرهم وفي ناس مضايقة وناس شايفة أنك قيمة فنية كبيرة، حتى لو هتردي عليهم قولي أنا مش لاقية شغل لكن متقوليش ألفاظ لمتابعينك على "تيك توك" إنتي كده هتخسري الوسط الفني ومتابعينك والناس اللي بتدعمك، تقبلي النقد مفيش حد كبير على النقد أبدا".
آخر أعمال مها أحمد
يجدر بالذكر أن آخر أعمال مها أحمد هو مسلسل "بيت الشدة" الذي عرض عام 2022، والعمل من إخراج وسام المدني، وتأليف ناجي عبدالله، بطولة وفاء عامر، أحمد وفيق، إيهاب فهمي، محسن منصور وعدد آخر من نجوم الفن.
