توجه المخرج محمد سامي برسالة للنجم تامر حسني، وتحدث من خلالها عن دعمه له ووقوفه بجانبه في بداية مشواره الفني.
وقال محمد سامي: "وَلَا تَنْسَوُا الْفَضْلَ بَيْنَكُمْ وأنا قاعد إمبارح في التصوير افتكرت الرحلة والشقي والتعب من أول عمل لحد العمل اللي بصوره دلوقتي وافتكرت صعوبة الحصول علي فرصة عشان الواحد يثبت نفسة و يحقق أحلامه".
للخبر بقية في الأسفل.. ومن أخبارنا أيضاً:
عاجـــ،،ــل الان ترامب يعلن عن حالة الطوارئ صدام حسين حي يرزق ولم يمت!
وأضاف: "فطبعا افتكرت أخويا وصاحبي الجدع الطيب الخلوق اللي دعمني من أول لحظة و كان سبب في اللي أنا فيه دلوقتي، تامر قدملي كل الدعم والحب والامكانيات اللي خلتني اثبت نفسي وبالذات في وقت كان صعب الشباب ياخد في الدراما فرصة بحجم مسلسل آدم".
وتابع محمد سامي حديثه، قائلاً: "انا فاكر اني الكل كان رافض اني اخد الفرصة دي ومستكبرينها عليا الا هو وقف في ظهري كأنه بيحارب لأخوه وبصلي مرة والظروف كلها ضدي و كنت حاسس وانا بحضر انهم هيجيبو حد غيري، تامر قالي ده مسلسلك وهتعمله وهتنجح وهتنجحنا معاك حتى طريقته المتواضعة وهو بيقولي مسلسلك كأني عامل تسع مسلسلات قبله تحسس الواحد بنفسه و أهميته".
وأكمل: "أشهد أمام الله إنك طول عمرك متواضع ومؤدب وتطلب الحاجة باحترام، ومع الكرو محترم وعشان كدة كلنا روحنا فيك بحبك يا صاحبي وتستاهل كل حاجة حلوة يا أجمل قلب، ويا رب يرزق كل الناس باللي يساعدهم علي تحقيق أحلامهم زي ما رزقني".
مسلسل محمد سامي في رمضان 2025
يجدر بالذكر أن المخرج محمد سامي سيشارك في الموسم الرمضاني القادم 2025 بمسلسل "إش إش"، وهو من بطولة زوجته الفنانة مي عمر.
وشارك محمد سامي زوجته مي عمر أيضاً في الموسم الرمضاني الماضي 2024، وذلك بمسلسل "نعمة الأفوكادو"، والذي حقق به نجاحاً كبيراً.
