كشف الفنان حسن شاكوش عن تعرضه للعديد من أنواع الظلم خلال مسيرته الفنية، كما أوضح بأنه يواجه العديد من التعليقات السلبية من الجمهور.
وقال حسن شاكوش، خلال لقائه في برنامج "بالمايك والقلم": "أنا ربنا عوض عليا علشان اتظلمت، أنا من منطقة شعبية من بولاق الدكرور، والمنطقة دي اللي معهوش شغلانة ومتعلم كويس بيمشي غلط، لكن أنا الحمد لله حافظت على نفسي، وعمري ما شربت سيجارة ولا شيشة".
للخبر بقية في الأسفل.. ومن أخبارنا أيضاً:
عاصفة تضرب دولة عربية ومصرع عدد كبير من الاشخاص والرعب يسود بين السكان
وتابع: "للأسف لو إنت في مجال الفن وقايم من على سجادة الصلاة هيقولوا إنت بتضحك علينا، مجالنا مشكلته إن الناس شايفاك من ورا الكاميرا مش شايفة حياتك الشخصية".
وأوضح حسن شاكوش بأن التعليقات السلبية من الجمهور تضايقه نفسياً، حيث قال: "ساعات على المسرح ألاقي ناس بتقول إنت مهيبر إنت شارب إيه، هي الدماغ عالية؟ وكل الحاجات دي بتضايقني نفسيا لأن أنا مش كده".
واستاء حسن شاكوش من الطريقة التي ينظر بها الناس للفنان، وقال: "مشكلة الفنان إن الناس شايفاه فلوسه حرام وبتاع نسوان وخمورجي وبتاع مخدرات، مش شايفين إن الفنان ربنا إداله الموهبة وفتح له باب رزق علشان ورايا بيوت ناس كتير غير أهلي بالكامل، ومعايا فرقتي 40 فرد وراهم أسر وفاتحين بيوت ناس".
أغنية عم جيلو
يجدر بالذكر أن الفنان حسن شاكوش طرح مؤخراً أغنية "عم جليو"، وذلك عبر قناته الرسمية على منصة الاستماع والفيديوهات العالمية يوتيوب، وشاركه في غناء الأغنية مغني المهرجانات حمو بيكا.
