شاركت النجمة شيرين عبد الوهاب منشور جديد عبر حسابها على انستغرام، عبرت فيه عن شكرها للفنانة هيفاء وهبي وذلك لدعمها لها في أزمتها، مؤكدة أنها ستبقى ممتنة لها طول العمر.
وكتب شيرين عبد الوهاب: "أنا رديت على النجمة هيفاء وهبي مش عشان باركتلي على الأغاني، النجمة هيفاء وهبي عملت معايا مواقف جدعة أقرب الناس ليا ماعملتهاش علشان نفسيتي تبقى أحسن".
للخبر بقية في الأسفل.. ومن أخبارنا أيضاً:
وتابعت: "كانت بتكلمني يوميا عند الدكتور وكانت عاوزة تاخدني أقعد عندها وتخرجني ومودي يبقى حلو وتدخلني مكان يظبطولي الفيتامينات اللي في جسمي ويخسسوني".
وأضافت: "هيفاء أثبتت إن الصديق الوفي مش لازم هو اللي جنبك ممكن يكون بعيد عنك، من أجدع وأنظف وأكرم الناس اللى شفتها فى الوسط الفني هيفاء بموقفها ده اشترتني طول عمري، وهفضل لحد ما أموت ممتنة ليها ولوقفتها معايا في الوقت ده..".
وأكملت: "الوقت اللي كنت فيه وحيدة وتعبانة ومكتئبة وبعيط وجت اطمنت عليا وحسستنى إني ليا أخت فعلا.. شكرا يا هيفا يا حبيبتي، ويا ريت يا ريت فى مصر لو في مشاكل أنا بناشد أي حد إن الست دي طيبة جدا جدا، ومتستاهلش إلا كل خير".
هيفاء وهبي تهنئ شيرين عبد الوهاب على أغانيها الجديدة
وكانت هيفاء وهبي هنأت الفنانة شيرين عبد الوهاب على أغانيها الجديدة ونشرت ستوري عبر حسابها على موقع انستجرام.
وكتبت هيفاء وهبي: "ألف مبروك حبيبي الي نور مكانه الصح والفراغ اللي محدش يعرف يملاه.. ألف مبروك حبيبتي شيرين"
موقع يوتيوب يحذف أغنية هنحتفل
يجدر بالذكر أن موقع "يوتيوب" حذف أغنية "هنحتفل" للمطربة شيرين عبدالوهاب بسبب خلافاتها مع شركة روتانا، وتعد "هنحتفل" ثالث أغانيها في الألبوم الجديد وهي من كلمات الشاعر الغنائي تامر حسين وألحان عزيز الشافعي وتوزيع توما.
