نظراً للأزمة الأخيرة التي يمر بها مسرح الدولة خلال الفترة الماضية، واتجاة بعض الفنانين لعرض مسرحيتهم في الدول العربية وخارج مصر، علقت الفنانة القديرة ليلى طاهر على هذه الأزمة التي يواجهها المسرح.
قالت ليلى طاهر في تصريحات: ""هو الفن عموما جاتله فترة وحصل نكسة كدة زي كل حاجة في البلد، ولكن بدأ يرجع لأصله، وأنا سعيدة جدا بالمسرح لأنه بدأ يتقدم ويرجع لأصله بس شوية شوية، مفيش حاجة بترجع مرة واحدة كدة، وإحنا في الطريق الصحيح".
للخبر بقية في الأسفل.. ومن أخبارنا أيضاً:
وعلقت على اتجاه عدد كبير من النجوم على تقديم عروض مسرحية بالمملكة العربية السعودية : "السعودية مسحبتش بساط المسرح من مصر، ولكن هما حاولوا في الأغاني والحفلات إنهم يتقدموا فيها، لكن بالنسبة للفن والمسرح والتمثيل لا خالص، وبعدين الناس بتروح في أي حتة عربية، يعني لما أي بلد عربي بيعوز فنان مبنقولش لا، ولكن ده مش معناه إن نسيب بلدنا وفننا ونروح بلد تانية، ولو حد عمل كدة يبقى غلطان".
وأضافت : "والنجوم إذا لقوا عروض مسرحية في مصر هيشتغلوا في مصر، ولو لقوا برة هيشتغلوا برة يعني الفنان في أي بلد عربي بيقول أنا مصري، مش بيقول أنا سعودي أو أنا أرمني أو أنا خواجة، حتى لو اشتغل في السعودية بس هو فنان مصري".
وأكدت : "كان فيه تباطؤ في الإنتاج في مسرح الدولة، ولكن احنا دلوقتي ماشيين في الصعود".
وصرحت : "هو فيه نشاط من الدولة دلوقتي وفيه مهرجان، وفيه مجهود جامد علشان المسرح يرجع للمكانة المصرية المعروفة"
