كشف الفنان محمد أنور، عن بداياته الفنية، وكان حلمه وظيفة في شركة الكهرباء، وذلك خلال تصريحات صحفية.
وقال: إحنا شقينا وتعبنا، ومش بقول كده علشان الناس تقول أنت بتحكي قصة كفاح، بس لأ أنا بقول بجد لو أنت فضلت ورا حلمك بجد هتوصل وربنا هيكرمك، إحنا كنا بنقعد على القهوة فوق الـ 70 بني آدم، وقعدنا نقل والناس غصب عنها من ضغوط الحياة سابوا الشغلانة وفيه منهم راح يشتغل في شركة الكهرباء.
للخبر بقية في الأسفل.. ومن أخبارنا أيضاً:
إلهام شاهين ترد على الساخرين من قرار تبرعها بالأعضاء بعد وفاتها؟!
من اخطر حلقات مبروك عطية: رجل يكتشف خيانة زوجته التي تشتغل ممرضة بهذه الطريقة !!
الاهلي فوق الجميع.. المغني توو ليت يهدد نادي بيراميدز!
"الكارثة ستحدث هنا على الجميع الاستعداد".. العالم الهولندي ينفجر غضبا ويثير الرعب في الوطن العربي!
ميشال حايك يثير خوف الجميع: ستعيشون الرعب في هذه الليلة الخطيرة
.jpg)
وتابع: أنا وأبطال مسرح مصر استنينا ومكناش عارفين أن الفرصة هتيجي، يمكن لو كانت إتأخرت شوية كمان كنا يأسنا، والله العظيم كنت بدور على وظيفة حكومية في شركة الكهرباء في نفس اليوم اللي جاتلي فيه مسرحية شيزلونج اللي كانت فاتحة خير عليا.
وأضاف: إحنا مكناش متخيلين أن أستاذ أشرف عبد الباقي، يجيبنا في المسرح، إحنا بقالنا 15 سنة بنمثل مسرح عايزين نروح سينما بقى، وكنا بنعرض تياترو مصر أول كام يوم فيه إحنا مش عارفين أننا ممكن ننجح عن طريق المسرح.
وأختتم: كنا بنقول إن شاء الله كريم عبد العزيز وأحمد عز، يتفرجوا على المسرحيات ويختاروا ناس مننا، وأول مرة عرضنا فيها اللي حضر كان 4 أصحاب أستاذ أشرف واتكسف يقولهم ادفعوا.
يذكر أن أخر أعمال الفنان محمد أنور، فيلم "جوازة توكسيك" بطولة كلا من: ليلى علوي، بيومي فؤاد، تامر هجرس، هيدي كرم، محمد أنور، ملك قورة، جوهرة، نورين أبو سعدة، فاروق قنديل، تأليف لؤي السيد، إخراج محمود كريم.
ودارت أحداث الفيلم في إطار كوميدي حول قصة حب فريدة وكريم، التي بدأت بسوء تفاهم في دبي، لتمر بعدها برحلة من الصراعات بعودتهما إلى مصر، بعد تدخل الأهل في مصيرهما.
