هاجم الفنان المصري محمد صبحي الوسط الفني، وذلك بسبب الاعمال الفنية التي يتم تقديمها مؤخرا عبر الشاشات للجمهور.
محمد صبحي أعرب عن استيائه الشديد، بسبب تجسيد المرأة المصرية بالأعمال الدرامية.
للخبر بقية في الأسفل.. ومن أخبارنا أيضاً:
ومن خلال تصريحات تليفزيونية ،قال محمد صبحي: 90% من مسلسلات المرأة يا إما عاهرة يا إما مدمنة مخدرات يا إما منحلة، مصر اللي حلمها في تاريخها على مدى سنين وقرون المرأة، وعلشان مشكلة حصلت وقولت رأيي وقالوا طب ما أنتوا مطلعين المصريين حرامية والمرأة عاهرة في أفلامكم طب ما أنتوا اللي بتقولوا.
وتابع: سنة 2011 عملت مشروع كان نفسي أعمله مشروع أنقذ العشوائيات وأشيل الثقبة دي من جبين مصر، وعملت مشروع نبني البشر قبل الحجر، ولقيت العشوائيات في إحدى البلدان شيء انحلال لا يمكن أن نتخيله، وقُلت عايزين مسلسل يكون فيه لقطة من ده يتذاع عندنا في مصر، والناس اللي عندها فكر ثقافي يقولك مندفنش دماغنا في الرملة لازم نعري نفسنا ونطلع كل العيوب اللي عندنا، لأ يا حبيبي دي مش حرية إبداع دي حرية قلة أدب، دي حرية هدم للوطن، أنك تقدملي خرابة في السينما والتليفزيون.. المشاهد لما يشوف الصورة خليته يستقبح الخرابة ويتمنى يحولها لجنة، أنا بقدملك الشرير علشان تكره شره مش تحبه وتحب شره.
