توفي اليوم الفنان تامر ضيائي عن عمر يناهز الـ 50 عامًا، بعد صراع طويل مع مرض القلب. وكان الفنان الراحل قد كتب وصيته الأخيرة ونشرها عبر حسابه على موقع التواصل الاجتماعي فيسبوك، لتظل شاهدًا على مشاعره وأفكاره قبل رحيله.
نص وصية تامر ضيائي
في وصيته التي كتبها عبر فيسبوك، قال تامر ضيائي:
للخبر بقية في الأسفل.. ومن أخبارنا أيضاً:
"بوست وصية ده هيفضل باين علي صفحتي لحد ما أموت، الحقيقة إللى كلنا عارفينها ومتأكدين منها إننا كلنا ربنا كتبلنا إننا نموت فى ميعاد محدد غير معروف، وعشان كده كتبت الكلام ده لأنى محتاج حاجات معينه تتعمل وحاجات خايف تتعمل وأنا مش عايز حد يعملها لمجرد إنها معروفه، ووقتها طبعًا مش هعرف أقولها لحد".
وتابع:
"ودي وصيتي صلاة الجنازة أهم من العزا وهى إللى كل ما العدد زاد كل ما ثوابى ما كان أكتر، فأرجوكم تصلوا عليا، مش شرط تيجى العزا وياريت لو إتعمل فى البيت أو مكان بسيط بفلوسه تطلعولى صدقة جارية أفضل".
وأضاف:
"من فضلكم لم يثبت أو يتفق عليه عمل خاتمة قرآن للمتوفى إنها هتوصله، بس مثبت إن الدعاء والصدقة بيوصلوا للميت، فرجاء دى بالذات بلاش وإدعولى الوقت اللى هتقروا فيه جزء فضوا نفسكم وإقعدوا إدعوا فيه، بلاش صدقة جارية تقليدية وسهله ومش مستفاد بيها يعنى المصاحف كتير فى مصر اوى وكل بيت فيه كتير فممكن نحط الفلوس فى جامع بيتبنى أو كرسى متحرك فى مستشفى يستفادوا بيه المرضى أو دخول مياه لبيت غلابه أو بناء سقف لبيت فقراء، حاجات ناس تستفيد بيها لمدة طويلة".
واختتم:
"الموت علينا كلنا حق وإحنا كلنا أمانات ربنا وهيردنا تانى، فالحزن على الفراق هونوه على نفسكم بالدعاء ليا عشان أبقى فى سعادة لحد ما أقابلكم تاني، اللي بيحبوني يدعولى كتير عشان لو مفيش حد يدعيلي، ودى مهمة أوى أوى أوى عاوز الكل يسامحني علي اي حاجه عملتها فيه بقصد لو دون قصد، اللهم إن كثر موت الفجأة من حولي وكثر موت الشباب غفلة، ف يارب إن كنت أنا القادم فأحسن خاتمتي وارزقني نطق الشهادة عن الموت ويسّر طلوع روحي وهوّن عليّ سكراتي فإني أحب أن ارحل في هدوء وسكينة وطمأنينه، ولا تقبض روحي إلا وانت راضٍ عني لكي اكون عبدا مقبولا عندك حتي أليق بلقائك العظيم وإن كان لي من العمر باقي فأغفر لي ذنوبي ومعاصي نفسي الأمّارة بالسوء وأعفو عني وأمحو لي كل ما يعرقل طريقي إليك وردّني إليك ردًّا جميلًا يارب العالمين".
تامر ضيائي: مسيرته الفنية وإنجازاته
اهتم تامر ضيائي بفن التمثيل إلى جانب عمله الرئيسيّ كمبرمج للحاسب الآلي في كلية الصيدلة بجامعة القاهرة، أظهر اهتمامًا كبيرًا بفن التمثيل.
التحق بورشة استوديو الممثل حيث درّسه المخرج خالد جلال، وبدأ مسيرته الفنية كممثل مسرحي.
شارك في العديد من العروض المسرحية على مسارح الدولة وقصور الثقافة قبل أن يتجه نحو الأعمال التليفزيونية.
كانت بدايته التليفزيونية في مسلسل "أنا وهؤلاء" مع الممثل محمد صبحي عام 2003. لاحقًا، شارك في عروض مسرحية أخرى وأفلام سينمائية، وحقق شهرة كبيرة بدوره في مسلسل "الهروب" عام 2012 ومسلسل "الصياد" عام 2014.
ردود فعل الوسط الفني والجماهير
بعد خبر وفاته، عبَّر العديد من زملاءه في الوسط الفني وجماهيره عن حزنهم العميق، وأشادوا بمسيرته الفنية وبأخلاقه الطيبة.
