تحدثت مطرب المهرجانات شحتة كاريكا،عن مناسبة ذكرى ثورة 30 يونيو، وذلك على هامش حفل "في حب مصر"، الذي أقيمت في ممشى سيتي بارك أكتوبر.
وقال: لازم ندي الناس سعادة وفرحة، بلدنا فيها مشاكل لازم نساعد الناس علشان الدنيا تعدي، الدنيا برا بايظة وأنا سمعت أوروبا الفترة اللي فاتت، تراب بلدنا بـ ملايين، إحنا بنحاول نسعد الناس على قد ما نقدر، لازم نساعد بعض علشان نقوم، الدنيا خربانة برا ومحدش مستوعب، لو حصل حاجة هنا هنقول يا ريتنا، إحنا خدامين بلدنا.
للخبر بقية في الأسفل.. ومن أخبارنا أيضاً:
وداعاً يا دول الخليج ... فايز الدويري يصدم الجميع بالمفاجأة القادمة والتي كان الجميع يخشى حدوثها؟!
وتابع حديثه: إحنا لازم نساعد بعض ويبقى عندنا حماس وقوة، ومهما يحصل إحنا راضيين ومصر حلوة، الناس لازم تفهم أن في ضغط على البلد والبلد دي مذكورة في القرآن لحد يوم الدين، إحنا مش هنغير حاجة إحنا وسيلة في الحياة.
وأضاف: السوشيال ميديا خربت الدنيا وبنحاول نوصل الرسالة للناس، إحنا لازم نساعد بلدنا حتى لو فيها نار إحنا هنطفيها، إحنا قد أي حد، والشعب لازم يفهم أن ربنا رحيم بينا، والله لفيت العالم وملقتش أحلى من البلد دي، لازم نشتغل ونساعد بعض، مصر في أزمة ولازم تعدي.
وأختتم: لما كنا في الثورة اتبهدلنا وقومناها في سنين، بإذن الله مصر منصورة لـ يوم الدين، أنا بحب بلدي وماليش دعوة بـ غيري، ما ضاقت إلا ما فرجت.
