تحدث الفنان محمد فؤاد، عن انقطاع الكهرباء يوميًا وذلك خلال تصريحات صحفية.
وقال: أقسم بالله أنا راجل بسيط وعلى قدي، وملك السعودية قال مصر خرجت من نفق مظلم لا يعلم مداه إلا الله، وأنا كنت في ضهر بلدي بشكل ممكن يكون ضرني في شغلي وقُلت ولا فارق معايا تاريخ محمد فؤاد كله تحت رجليا قصاد بلدي.
للخبر بقية في الأسفل.. ومن أخبارنا أيضاً:
وأضاف: قطع الكهرباء مناخ جيد لكل كارهي الوطنية، ودا عادي جدًا قناة السويس لما اتعملت وكان إنجاز للبلد قالوا عليها ترعة، الناس فهمت المؤامرة الدنيئة اللي كانت ضد مصر.
وتابع: أنا شوفت الكهرباء بتقطع بالأسبوع في 67 وأهلنا محدش منهم كره البلد ولا شتم الريس، كان همهم بلادهم تعدي على خير ومحدش يؤذيها، مالقوش في الورد عيب قالوا يا أحمر الخدين، الكهرباء قطعت عندي فوق الـ 8 ساعات، عادي جدًا ما نحمد ربنا إننا عايشين في أمان وربنا ساترها، وأهالينا مش أقل مننا درجة علشان يتحملوا إحنا في نعيم.
وكان أخر أعمال الفنان محمد فؤاد فيلم"غاوي حب"، بطولة كلا من: حلا شيحة، رامز جلال، خالد الصاوي، أميرة العايدي، محمد مرزبان، رفيق محسن، وفاء السيد، هويدا الشافعي، محمود طوبار، مجدي السباعي، عبد الله مشرف، وغيرهم.
