خرج شقيق الفنانة المصرية شيرين عبد الوهاب عن صمته مجدداً، وأحدث ضجة جديدة بتصريحاته، التي رد من خلالها على اتهامات شقيقته.
وعبر حسابه على Facebook ردا على شقيقته، كتب محمد عبد الوهاب: "كل واحد عنده قدرة على تحمل الأذى لكن للقدرة دي حدود.
للخبر بقية في الأسفل.. ومن أخبارنا أيضاً:
ده قرار النيابة العامة بالحفظ إداريا في كل الاتهامات اللي اتوجهت ليا بتاريخ 19/12/2022 يعني من سنتين.
إيه هي بقي الاتهامات دي؟ كسر الضلع والعشرين راجل اللي دخلت بيهم على أختي! وطبعا موضوع السكينة! واتسألت على التوكيل بتاعي وبتاع أمي من وكيل النيابة المحترم وكله مثبت، س سوال ج جواب. التوكيل اللي بتقول أن أنا أسأت استخدامه!".
وتابع: "وده إن دل على شيء فهو يدل على إني مش عايز أختي شكلها يبقي وحش قدام الناس وقدام جمهورها والأهم أمي اللي كنت مفهمها أن بنتها اتنازلت وأنا استحمل أي حاجة إلا إنها تتوجع في ولادها. وبناء عليه رضيت بالظلم لوحدي لكن الحقيقة غير كده، انا اتطلبت في النيابة واتسألت رسمي وتم إخلاء سبيلي من النيابة علي ذمة القضية لحد ما اتحفظت القضية بس انتي بقي بشطارتك وبأهل الشر اللي حواليكي اللي خسروكي نفسك وأهلك، خليتيني انهارده أطلع أقول جزء من الحقيقة للناس رغم إن ده آخر حل كنت أحب ألجأ ليه.
وأكمل: "وده حق ربنا لا ظلم ولا افترى. ونفس الكلام اللي من سنتين بيتعاد تاني معرفش لمصلحة مين مع إني بعيد عنك وعن حياتك من سنين قبل الواقعة وسنتين من بعدها. ده قرار النيابة العامة الموقرة في الافتراءات اللي اتوجهتلي، مش بيان من محامي. وأي حاجه هرد بيها هتكون مستند حكومي عليه ختم النسر".
وفي الأخير، قال شقيق شيرين عبد الوهاب، مرفق هنا الفيديو بتاريخ 11/11/2022 اللي قولتي فيه أنك اتنازلتي ولعبتي دور الضحية، ومرفق برضو المستندات الرسمية اللي بتثبت أن القضية فضلت شغالة وكنتي هتتسببي في حبس أخوكي ظلم وهو لحد آخر لحظة بيحاول يحميكي ويحمي أمك ويحمي بناتك".
الجدير بالذكر أن الفنان حسام حبيب، طليق الفنانة شيرين عبد الوهاب كان قد احدث جدلا كبيرا، بعد قيامه بنشر تسجيلات صوتيه تدين شقيق شيرين عبد اللطيف، الذي أكد في الأخير أنه لم يكن السبب في تسريبها.
