ثارت حالة من الجدل الكبير عبر صفحات السوشيال ميديا، خلال الساعات الماضية بعد التسريبات الصوتية التي إنتشرت لـ حسام حبيب طليق شيرين عبدالوهاب التي شهر فيها بسمعة أهلها، لذلك كان من اللازم على المقربين لها ان يبدوا رأيهم، وكان من أقرب النجوم الفنان تامر عاشور الذي نفى كل ما قيل في هذه التسجيلات المسربة لطليقها.
وكتب تامر عاشور عبر حسابه على موقع X: "كل اللي أقدر أقوله في موضوع شيرين عبد الوهاب إن مفيش كلمة واحدة بس من اللي اتقالت وانتشرت صح، أنا قريب من أهل شيرين ووالدتها وأخوها".
للخبر بقية في الأسفل.. ومن أخبارنا أيضاً:
وتابع تامر عاشور: "أنا برضه أقولها إني بحبها وكل الدنيا بتحبها وتحب فنها، أهل شيرين مظهروش في حياتها آخر سنتين تلاتة أهل شيرين هم أهل شيرين من زمان كل نجاحات شيرين كانت وسط أهلها وناسها اللي يشيلوها من على الأرض شيل، يارب يبعد عنها كل خبيث وأناني وفاشل وممثل".
وأكمل تامر عاشور: "هي أطيب منهم كلهم وهم اللي وقعوها فكل مشاكلها "إنت بمن حولك " لو اللي حواليك فشله غصب عنك لازم تبقى زيهم وتعافر علشان تقدر تمارس اللي كنت بتعمله في عدم وجودهم بمنتهى السهولة."
واختتم تامر عاشور كلامه: "أنا كلت عيش وملح في بيتها وفي بيت أمها وأخوها وكان لازم أقول الكلام ده علشان الكلام ده هو الكلام الحقيقي ولا كلمة من اللي اتقالت واتسمعت ليها أساس من الصحة … أهل شيرين هم هم أهل شيرين من زمان قوي .. بالعقل".
وكان حسام حبيب يتحدث في المحادثات الصوتية المسربة عن أسرة طليقته شيرين عبد الوهاب، مشيرا إلى أنهم آذوها وهم سبب خلافها مع شركة روتانا.
يذكر أن حسام وشيرين ارتبطا في أبريل 2018، وشهدت الحياة بينهما العديد من الخلافات، وانفصلا ثم عادا مرة ثانية في نوفمبر 2022، ثم انفصلا آخر مرة في ديسمبر 2023، ليتم إعلان ارتباط شيرين مؤخرا برجل آخر.
