علق الفنان أمير عيد على ٱراء الجمهور بعد مشاهدتهم مسلسل "دواعي السفر"، حيث عبر عن سعادته البالغة بهذه الآراء، مؤكداً انه مازال بحاجة الى تعلم المزيد عن التمثيل.
وكتب أمير عيد عبر حسابه بموقع X: "عايز أشكركم كمان بقي بما إني برغي انهارده على كلامكم الحلو عن مسلسل دواعي السفر مكنتش اتصور أن ممكن حد يشكر في تمثيلي سواء نقاد أو جمهور وعارف اني لسه محتاج اتعلم أكتر لو حبيت أمثل تاني . وعارف أنكم كنتوا بتعدولي حاجات عشان بتحبوني أو بتحبوا أغانيه وكده. كان نفسي أقولكم والله دي شخصيتي الحقيقية ولا لأ في المسلسل بس أنا مش عارف شخصيتي الحقيقية أوي أنا كل يوم بشخصية".
للخبر بقية في الأسفل.. ومن أخبارنا أيضاً:
وحرص أمير عيد على تهنئة جمهوره بعيد الأضحى معبرا عن حبه الكبير لهم: "كل سنة وأنتم طيبين عايز أقول حاجة وعارف أنها مش لايقه عليه بس أنا بحبكم جدا".
وتابع أمير عيد: "مش اللي هو بقول بحبكم المعروفة اللي بتتقال في المناسبات وكده أو عشان تحبوني وتسمعوني. لأ أنا بحبكم فعلا ورسايلكم اللي بتجيلي بتفرق معايا في حياتي وبتأثر فيا وبتلهمني. وعارف أن هي علاقة استثنائية مش موضوع فنان ومعجبين وكده. أنا عارف أنها حاجة أكبر من كده وإننا نشبه بعض أو إخوات مثلا .. أو أنا يعني بظن أو بدعي ذلك. عيد سعيد".
يذكر أن أمير عيد عرض له مؤخرا مسلسل "دواعي السفر" عبر منصة Watch it وتكون من 10 حلقات.
ومسلسل "دواعي السفر" بطولة أمير عيد ونادين وكامل الباشا وأحمد غزي وأحمد فاضل وأيمن الشيوي، دنيا وائل، سلمى الكاشف، نادر جوده، آية حلمي، آدم الألفي، مريم نعوم، جلا هشام، وياسمين سمير، وتأليف وإخراج محمد ناير.
