اعاد الجمهور في الوطن العربي، تداول تصريحات الفنانة المصرية يسرا، والتي ادلت بها خلال لقائها مع الاعلامي عمرو اديب في شهر رمضان الماضي.
وقالت يسرا: "عادل إمام في كل أزمة أنا مريت بيها في حياتي كان واقف معايا، مرة مكنش حد عارف مكنش عندي فلوس، كنت بشتغل لكن وقتها الفلوس مكنتش كتيرة، كان عندي عربية مرسيدس قولت أبيعها لحد ما ربنا يفرجها، لقيته جالي البيت بيسألني عايزة أبيع عربيتي ليه؟ سألته إزاي عرف؟ والكلام ده كان من 35 سنة".
للخبر بقية في الأسفل.. ومن أخبارنا أيضاً:
وتابعت: "رديت عليه إني معنديش فلوس، قالي لأ متبعيش العربية، وخطط أن يكون في فيلم أشارك فيه وقالي أطلبي اللي إنتي عايزه".
وأكملت يسرا حكايتها: "مرة كنت تعبانة جدا وبموت عملت عملية استمرت 6 ساعات والهيموجلوبين وصل لـ5، اتصل بيا وقالي أنه سمع إني تعبانه قلت له متجيش مش هتستحمل تشوفني، بس هو متابع وعارف كل حاجة".
كما تذكرت موقفا آخر مع عادل إمام وأنه لم يكمل عرض مسرحية بعد معرفته أنها تعرضت لحادث قائلة: "عادل إمام عمره ما بيقفل المسرح، لكن في مرة حصلي حادثة كان لازم أخرج منها ميتة، كان وقتها بيقدم مسرحية من إخراج الأستاذ شريف عرفة، بمجرد ما عرف ختم المسرح وهو وشريف عرفة وعزت أبو عوف كانوا موجودين في لحظتها".
واختتمت يسرا كلامها: "عادل إمام مش بس أستاذ فن هو أب وصديق عظيم، وعنده تقييم للبني آدمين مخيف، اللي ميبحوش من النظرة الأولى يفهمه".
