وجه الفنان المصري ياسر جلال رسالة لشقيقة الفنان رامز جلال بعد نجاح برنامج المقالب "رامز جاب من الآخر".
وقال ياسر جلال في تصريحات لبرنامج "الراديو بيضحك"، الذي تقدمه الإعلامية فاطمة مصطفى عبر الراديو 9090: "عايز أقول لكل الناس اللي بتتكلم عن رامز أو بتهاجمه، أولا الفنانين والمشاهير بيروحوا له برجليهم، وفي ناس زمايلي بيكلموني ويقولوا معقولة رامز مش جايبنا السنة دي في البرنامج، لكن أنا رامز مليش دعوة بشغله".
للخبر بقية في الأسفل.. ومن أخبارنا أيضاً:
وأضاف: "رامز أصبح حقيقة رمضانية موجودة كل سنة، الأطفال والكبار وكل الناس حتى لو لهم تحفظ على ما يقدمه بتقعد تتفرج عليه".
وتابع: "أشكره على ما يقدمه وعلى قدرته، وأقول له يا رامز يا ابني إنت راجل بجد إنك قادر تتحمل كل الحروب دي وتفضل نجم النجوم، ربنا يوفقك ويزيدك، وأنا أكثر واحد في الكون عارف إنك تستاهل كل خير، رامز بيعمل خير كبير وعلشان كده ربنا بيسترها معاه ويوفقه، وربنا يخليك ليا يا أخويا يا حبيبي".
