تصدر اسم الفنانة المصرية بسنت شوقي محركات البحث الشهير قوقل بعد استضافتها في برنامج تفاعلكم مع الاعلامية سارة الدندراوي.
بسنت شوقي تحدثت عن حياتها الزوجية، كما كشفت بعض الأسرار الخاصة، وردت على سؤال فارق العمر بينها وبين زوجها الفنان محمد فراج.
للخبر بقية في الأسفل.. ومن أخبارنا أيضاً:
ونرصد لكم أبرز تصريحات بسنت شوقي في برنامج تفاعلكم:
- كان نفسي أكون سفيرة وبعدين قولت لأ السفر مرهق، وأنا بحب الفاشون أوي وفكرت إني أكون ستايلست.
- مش عارفة ليه فيه فكرة عني أني شايفة نفسي، وأنا خجولة وباخد وقت علشان أخد على الناس، وأعتقد بيتقال أن ملامح وشي حادة وده بيدي الانطباع ده عني.
- دوري في مسلسل ليه لأ صنع اسمي.
- أنا مسيبتش شغلي الأساسي، خاصة أن التمثيل مش طول الوقت بنصور.
- الصبر والتفاهم والاحترام مفتاح نجاح العلاقة الزوجية.
- أي اتنين بيتخانقوا في الحياة.. وكل مرة كان بيطلع خبر أننا انفصلنا بنبقى مسافرين في إجازة.
- مبردش على انتقادات لبسي، موضوع أن اللبس جرئ ده بيرجع للذوق والتربية ممكن يكونوا شايفينه جرئ وأنا مش شايفة ده، في حاجات كتير وجهة نظر.
- النسوية مش تهمة، ولو أنت مش نسوي فأنت فيك حاجة غلط.
- أنا لسه مش نجمة صف أول.
- داليا أختي موهوبة أكتر مني، ومفيش حد يقدر يقيم موهبته.
- اتعلمت من ورش التمثيل أن التمثيل عبارة عن السمع مش الكلام اللي مكتوب.
- زوجي محمد فراج مشهور أكتر مني.
- كان نفسي كل أدوار سعاد حسني تكون ليا.
- بتضايق من الأسئلة عن حياتي الشخصية، بحس إن الناس متطفلة ومتدخلة جدًا في حياتي الشخصية والموضوع مؤخرًا بقى مزعج جدًا.
- زوجي محمد فراج متطرف جدًا في موضوع الأهلي والزمالك أكتر من والدي، ومستحيل يقبل أني أشجع الزمالك.
- بطلت أتفرج على الكرة المصرية من وقت أحداث بورسعيد.
- أتمنى أجسد معاناة آثار الطلاق على الأطفال في عمل فني.
- أكتر دور بحبه لـ محمد فراج في مسلسل هذا المساء.
- مفيش أدوار ندمت عليها، ولكن في حاجات اتمنى أنها كانت تتشاف أكتر.
- بتضايق لما بيقولوا أني أكبر من زوجي محمد فراج لأنها مش حقيقة، لو كانت حقيقة مكنش هيبقى عندي مشكلة وهقول وهبقى فخورة جدًا لأننا بنعمل حاجة المجتمع شايف إنها مختلفة.
- أنا متفهمة إن الناس ممكن تكون بتضايق أني بتكلم إنجليزي أكتر من العربي، ولكن الفكرة دي البيئة اللي أنا اتربيت بيها حتى لو بنتخانق في البيت بنبرطم بالإنجليزي، وأنا حاولت كتير أصلح الموضوع والناس متخيلة أني بتمنظر ودي مش حاجة أنا فخورة بيها.
- عاملة عملية تجميل واحدة في مناخيري لأنها اتكسرت قبل كده في برنامج، والإنترنت مطلع أني عاملة مليون حاجة وبتضايق أن مجهودي على نفسي بيروح خاصة إني بحب الأكل وحارمة نفسي.
وبسنت شوقي ممثلة مصرية شابة، من مواليد شهر ديسمبر بمنطقة المهندسين، القاهرة، درست إدارة الأعمال في الجامعة الأمريكية، ثم سافرت في عام 2009 إلى الأرجنتين للمشاركة في برنامج Fear Factor Xtreme.
