الخبر أسفل هذه الروابط

test

أسما شريف منير توجه رسالة شديدة اللهجة لمنتقديها: أنت كده دكر ومحصلتش!

وجهت الإعلامية وخبيرة التجميل أسما شريف مني رسالة شديدة اللهجة لمهاجميها، وذلك عبر حسابها الشخصي على انستجرام.

وقالت: "الناس اللي بتشتم دي متعلمتش حاجة هو أنت شايف لما بتشتم حد بتاخد حسنات؟ أنت كده دكر أنت كده محصلتش؟ بتتعلم إيه وبتعلم اللي حواليك إيه؟، ربنا يهديهم وأنا ولا بفكر في الناس دي".

للخبر بقية في الأسفل.. ومن أخبارنا أيضاً:

وتابعت: "اللي بيزعلني أن الناس اللي بتشتم دي أكبر ناس مُدعيين ولو دخلنا عندهم بنلاقي كاتبين لا إله إلا الله وفلسطين الحرة، دول ناس مش حقيقية وكدابة".

وواصلت: "الناس مبقاش عندها دم وفي كمية نفاق وكدب وانفصام في الشخصية رهيبة، لو أنت مسلم أو مسيحي الديانتين بينادوا بالاحترام، لما انت تصدر ده للناس متزعلش لما يقولوا علينا همج".

وأضافت: "أنا مش شيخة أنا إنسانة نفسي اتعامل مع بني آدمين طيبين، والدين أخلاق سواء إسلامي أو مسيحي، واللي الناس بتعمله ده مش منطقي، لازم نتعلم منبقاش همج ونعمل اللي دينا قال عليه باللي نقدر عليه".

وأردفت: "أنا مش محجبة وبغلط في حاجات، واللي بيحصل ده لازم يعلمنا حاجة، بلاش إدعاء وتوكلوا نفسكم إنكم تربوا الناس، ظبط نفسك الأول وشوف الطريقة اللي المفروض تكلم بيها الناس ولو عايز تساعد في هداية حد تتكلم إزاي".

وأكملت: "المفروض تقوله ده الدين حلو أوي وافتح نفسه على الدين، لو أنت شايف إني مش مسلمة وطلعتني من الديانة، هل علشان أدخل تاني الإسلام شايف أن دي الطريقة اللي تدخلني بيها تاني؟ يا جماعة والله العظيم ما ينفع اللي بيحصل ده، والله في ناس مافيش فيها فايدة وموجودين علشان نتعلم أن منبقاش زيهم".

وأنها حديثها: "أنا مش زعلانة إنهم بيشتموني أبدًا ومحصنة نفسي منهم، اللي مزعلني أن في ناس فعلًا بيصدقوا نفسهم لدرجة الجنان وشايفين أنهم صح".