حل الفنان لطفي لبيب، ضيف على برنامج تفاصيل مع الإعلامية نهال طايل عبر قناة صدى البلد 2، وكشف عن رأيه في إمكانية دخول بناته الوسط الفني، ورفضه تكريمه من السفارة الإسرائيلية.
وقال: أنا أب لـ 3 بنات، والزوجة قاعدة في البيت ومهتمة بيا وبالعيال، هي ست جدعة وربنا يديها طولة العمر والصحة ويخليها ليا.
للخبر بقية في الأسفل.. ومن أخبارنا أيضاً:
.jpg)
وأضاف: بناتي مش عايزين يدخلوا الفن، وأنا صعيدي أصلًا ومش حابب أورث بناتي لأن الفن ده ورث، واللي ولادهم طلعوا فنانين دول ورثوهم الحكاية وأنا معملتش ده، ومينفعش أعمل ده مع بنات شقين طريق في حاجات تانية، وأنا أب حاسم بس حنين جدًا، في حاجات لا أقبلها وفي حاجات أبقى حازم فيها وحاجات بدلع فيها البنات.
وتابع: رفضت تكريم من السفارة الإسرائيلية لأني عملت دور سفير إسرائيلي في فيلم السفارة في العمارة، لاقيتهم بيكلموني عايزين يكرموني، قولتلهم لأ مينفعش، أنا شايف المكالمة دي وأنا حاربت علشان الأرض دي وجزء من مصر، سيناء دي غالية عليا بشكل لا يتخيله عقل.
يذكر أن آخر أعمال الفنان لطفي لبيب، فيلم "مرعي البريمو" بطولة كلا من: محمد هنيدي، غادة عادل، علاء مرسي، مصطفي أبو سريع، محمد محمود، أحمد بدير، لطفي لبيب، تأليف إيهاب بليبل، إخراج سعيد حامد.
