اعادت منيرة أباظة، شقيقة الفنان الراحل رشدي أباظة، قصة زواج شقيقها من المطربة اللبنانية صباح، وحقيقة انفصالهم بعد الزواج بـ 24 ساعة.
وقالت منيرة أباظة: هي كانت دخلت في وسطنا وأصبحت واحدة مننا، وهي كانت بتعرف رشدي من بصته، هي كانت ست عظيمة جدًا ومثقفة جدًا، بتتكلم لغات كويس جدًا
للخبر بقية في الأسفل.. ومن أخبارنا أيضاً:
وأضافت: رشدي لما اتجوز صباح كان بيصور معاها فيلم، وتفاجئنا في يوم بـ تليفون من رشدي بيكلم جوز أختي بيقوله أنا جاي دلوقتي حضرلي مأذون، وكنا كلنا متفاجئين أنه هيتجوز صباح وبنقول طب وطنط سامية جمال؟ ومكناش قادرين نتكلم، والخبر كان وصل القاهرة قبل ما يكتبوا الكتاب.
وواصلت شقيقة رشدي أباظة: سامية كلمت بابا في التليفون وقالتله اللي حصل، وقالها تعالي لما نعرف اللي حصل، وفعلًا كتب كتابه على صباح ورجعوا على بيروت، وسامية عرفت أول واحدة، وتاني يوم الصبح رشدي كلمنا في التليفون وقال إنه ساب صباح.
واختتمت شقيقة رشدي أباظة، قائلة: رشدي كان بيعمل حساب وبيخاف من بابا جدًا، ولما رجع أتأسف وقاله دي كانت نزوة وحياته رجعت تاني مع سامية.
